AUMENATGE DE VILAMÒS ATH ILLUSTRE FILOLÒG JOAN COROMINES

  imatge

Eth passat 15 d’agost, laguens des actes dera Hèsta Major de Vilamòs auec lòc un emotiu acte d’aumenatge deth pòble de Vilamòs ath illustre filològ Joan Coromines e Vigneaux(Barcelona 1905 – Pineda de Mar 1997) de qui ère eth vintau aniversari dera sua mòrt.

Joan Coromines que escriuec ua bona part dera sua òbra, “El `parlar de la Val d’Aran”(Curial-Edicions Catalanes 1991) ena casa dera plaça de Vilamòs. Justaments ena façada se descorbic ua placa(veir fòto) en arrrebrembe deth mestre, tamb era inscripcion

Er acte que siguec organizat per Ajuntament de Vilamòs tamb era collaboracion deth Conselh Generau d’Aran, der Institut d’Estudis Aranesi Acadèmia  aranesa dera lengua occitana e era Fundacion Pere Coromines   e eth Grop de Musica e Cultura  aranesa Es Paums.

 

Ena fotografía de quèra a dreta er Alcalde de Vilamòs, Francés Castet eth President der Institut d’Estudis Aranesi, Jusèp Loís Sans Socasau, eth representant der Instsitut d’Estudis Catalans, Ramon Sistac e eth Sindic d’Aran, Carlos Barrera.

 
  ETH PÒBLE DE VILAMÒS A JOAN COROMINES E VIGNEAUX (Barcelona, 1905 – Pineda de Mar, 1997) Illustre filològ, etimològ e lexicograf En XXau anniversari dera sua mòrt e en arregraïment peth sòn gran trebalh de conservacion e difusion der aranés e per auer trigat eth pòble de Vilamòs e aguesta casa entà escríuer era sua Tèsi  Doctorau e era grana òbra  dera lingüistica “EL PARLAR DE LA VALL D’ARAN” placa
         
 
 
Ayuntamiento de Vilamos- Plaça Major, 4 - 25551 - Vilamòs - 973 64 07 39  Fax: 973 64 24 48  | Aviso Legal
 
© 2011 Ajuntament de Vilamòs - Valle de Aran